தமிழ் மொழி நமது அடையாளம்; மொழி அழிந்தால் இனம் அழியும். ஆகவே நமது மொழியைக் காப்பது நமது கடமையாகும். ஆனால், நம்மில் பலர் வேற்று மொழியில் பேசுவதைக் கௌரவமாக நினைக்கின்றனர். நாம் வேற்று மொழியை வெறுப்பவர் அல்லர். எல்லா மொழிகளும் தழைத்தோங்க வேண்டும்மென்பதே நமது எண்ணமாகும். தங்களுடைய தாய்ம்மொழிகளைக் கற்காமலும், பேசாமலும், ப மொழிகள் இவ்வுலகில் வழ்ந்திருப்பதற்கான அடையாளமின்றி அழிந்து போயின.

அவ்வழியில் நமது தாய்மொழிக்கும் அந்த அவல நிலை நேர்ந்துவிடக்கூடாது எனும் உயரிய சிந்தனையில் பல அமைப்புகள் தமிழ் விழாக்களை நடத்தி வருகின்றன. ஆயிரமாயிரம் ஆண்டுகளாகச் செழிப்பாக வளர்ந்து வந்துள்ள, தமிழ் மொழியைத் தங்கள் குடும்ப உறுப்பினர்களுடன் பேசுங்கள். நல்ல தமிழ் நூல்களைத் தேர்வு செய்து குழந்தைகளுக்குக் கற்பியுங்கள். அவர்கள் வளரும்போதா நல்ல ஒழுக்கமிக்கவர்களாகத் திகழ்வார்கள் என்பதில் ஐயமில்லை. தமிழ்பண்பாட்டு இயக்கம், 5-ஆம் முறையாக சான்றோர் விழாவை நடத்துவதென்பது, நம்மிடையே வாழ்ந்து மறைந்த சான்றோர்களின் தமிழ்ப்பற்று, இனமான

உணர்வு, சமுதாயப் பொதுச்சிந்தனை மற்றும் அவர்களின் அயராப் பணிகளைச் சமுதாய விதிக்குக் கொண்டு செல்வதே ஆகும்.
மலேசியாவைச் சார்ந்த மறைந்த எழுத்துலகச் செம்மல்களான உயர்திருமா. இராமையா, கவிஞர் சி.வேலுசாமி அவர்கள், இலங்கையைச் சேர்ந்த மிகப்பெரிய ஆளுமை கொண்ட உயர்திரு கா.சிவதம்பி அவர்கள், தமிழகத்தைச் சேர்ந்த தமிழர் தலைவர் உயர்திரு சி.பா. ஆதித்தனார், புதுச்சேரி, இந்தியாவைச் சார்ந்த மகவித்துவான் சவராய நாயகர், ஆகியோரின்வரலாற்றுச் சுவடுகளைக் கட்டுரைகளாகத் திரட்டி இம்மலரில் இடம் பெறச் செய்துள்ளோம்.

சமூகப்பணி, தமிழ்ப்பணி, விளையாட்டுத் துறை ஆகிய துறைகளில் சிறந்தோங்கி விளங்கிய பொதுமக்களைத் தேர்வு செய்து, அவர்களுக்குப் பொற்பதக்கங்கள் அணிவித்துச் சிறப்பிப்பது, நாம் தரும் மிகப் பெரிய அங்கீகாரமாகும். உலகளாவிய நிலையில் பணியாற்றுபவர்களை மக்கள் கவனத்திற்க்குக் கொண்டு வர வேண்டுமென்ற நன்னோக்கத்திற்காக இச்சான்றோர் நினைவு விழா நடைபெறுகிறது. இந்ந்கழ்ச்சி சிறக்க நாம் அனைவரும் ஒன்றிணைந்து செயல்படுவோம்.